பேசில் துளசி /திருநீற்றுப்பச்சை

basil.thamil.co.ukமூலிகையின் பெயர் – பேசில் துளசி
தாவரப்பெயர் – OCIMUM BASILICUM
தாவரக்குடும்பம் – LAMIACEAE
முக்கிய வகைகள் – BOXWOOD BASIL, CINNORMON BASIL, LEMON BASIL, MAGICAL BASIL, GENOVESE BASIL, GREEK COLUMN BASIL, NAPOLITANO BASIL, OSMIN BASIL, PESTO PERPETUA BASIL, PURPLE RUFFLES BASIL, REDRUBIN BASIL, SIAINS QUEEN BASIEL, & SPICY BUSH BASIL.

பயன்தரும் பாகங்கள் – இலை, பூ, விதை மற்றும் வேர் முதலியன.

வளரியல்பு – பேசில் துளசி எல்லா வகை வளமான மண்ணில் மற்ற துளசியைப் போன்று வளரக்கூடியது. இதற்கு வெப்பமான காலநிலை அவசியம். (70 டிகிரி F ஹீட்) அதிக குளிர் ஆகாது. இதன் தாயகம் இந்தியா. இந்தியாவிலிருந்து மற்ற நாடுகளான கிழக்கு ஆசியா, இத்தாலி, இந்தோனேசியா, தாய்லண்டு, வியட்னாம், கம்போடியா, சீனா, மற்றும் ஆப்பிரிக்கா போன்ற நாடுகளுக்குப் பரவிற்று. இதன் காலம் 5000 ஆண்டுகளுக்கு முற்பட்டது. ‘BASIL’ என்ற சொல் கிரேக்கத்திலிருந்து தோன்றியது. அதன் பொருள் ‘KING’ அரசன் என்பது. ‘KING OF HERBS’ மூலிகையின் அரசன் என்று சொல்வார்கள். இதில் 160 வகைப் பிரிவுகள் உள்ளன. ஒவ்வொரு ஆண்டும் புதிது புதிதாக பெயர்கள் வந்து கொண்டே இருக்கின்றன. மேலைநாடுகளில் பேசில் இல்லாத சமையல் அறையே இருக்காது அவ்வளவு முக்கியத்துவம் வாய்ந்தது.

basil -thamil.co.ukபேசில் விதை மிகச்சிறிதாகக் கடுகு போன்று கருப்பாக இருக்கும். இதை விதைக்க செடியிலிருந்து எடுத்து ஒரு ஆண்டுக்குள் பயன்படுத்த வேண்டும். பசுமைக் குடிலில் மேட்டுப்பாத்தி அமைத்து நல்ல நுண்ணுயிர் உரம் இட்டு மிருதுவான மண்ணில் கால் அங்குல ஆழத்தில் விதைகளை ஊன்ற வேண்டும். காய்ந்த நிலமாக இருக்கும். பூவாழியில் நீர் தெளிக்க வேண்டும். மேலும் ஈரப்பசை இருந்து கொண்டு இருக்க வேண்டும். அதே சமயம் சுமார் 6 மணி நேரம் வெய்யில் படவேண்டும். வளர்ந்த நாற்றுக்களை பாலத்தின் பைகளில் எடுத்து வைத்துப் பாதுகாக்க வேண்டும். இவ்வாறு ஆறு வாரங்கள் நிழலில் இருக்க வேண்டும். வெப்ப அளவு 70 ° F இருக்க வேண்டும். பிறகு பார்களில் 10-12 அங்குல இடைவெளியில் நாற்றுக்களை நட வேண்டும். இதன் இலைகள் பச்சையாக இருக்கும். இலையின் நீளம் 3-11 செண்டி மீட்டரும், அகலம் 1-6 செண்டி மீட்டரும் இருக்கும். எதிர் அடுக்கில் அமைந்திருக்கும். இலைகள் மிகவும் மிருதுவாக இருக்கும். நறுமணம் உடையதாக இருக்கும்.

இது சுமார் 30 -130 செண்டி மீட்டர் உயரம் வளரக்கூடியது. பூக்கள் மிகச்சிறிதாக இருக்கும். வெள்ளை நிறத்தில் இருக்கும். 40 நாட்கள் ஆனவுடன் பக்கக்கிழைகளை அடிப்பாகம் சிறிது விட்டுக் கத்தரிக்கோலால் வெட்டி உபயோகிக்கலாம். இது வெட்ட வெட்டத் துளிர்த்துக் கொண்டே இருக்கும் அதற்குத் தக்கவாறு நுண்உரம், ஈரப்பதம் இருந்து கொண்டே இருக்க வேண்டும். ஒரு ஆண்டுவரை பயன்தரும். பூ விட ஆரம்பித்தால் இலை பழுப்புத் தட்ட ஆரம்பிக்கும், அப்போது உரம் தண்ணீர் குறைத்துக் கொள்ள வேண்டும். இதற்கு நோய் வர ஆரம்பித்தவுடனே இயற்கைப் பூச்சிக்கொல்லி மருந்துகளைப் பயன்படுத்த வேண்டும். இரசாயனம் சேர்க்கவே கூடாது. இது விதைமூலம் இனப்பெருக்கம் செய்யப்படுகிறது.

basil--thamil.co.ukமருத்துவப்பயன்கள்
பேசில் முக்கிய இயற்கையான நோய் எதிர்ப்பு சக்தி கொண்ட மூலிகைச் செடி. (Natural anti-inflammatory). இது சமையலில் பெரிதும் பயன்படுத்தப் படுகிறது. பேசில் இரத்த ஓட்டத்தைச சமநிலையில் வைத்துக் கொள்ளும் தன்மையுடையது. இரத்தத்தில் சர்கரையின் அளவை சீராக வைத்துக் கொள்ளப் பயன்படுகிறது. உடலின் சூட்டைத் தணிக்க வல்லது. இது மனிதனுக்கு ஏற்படும் மன அழுத்தத்தை தீர்க்க வல்லது. தோல் வியாதிகளைப் போக்க வல்லது. இதன் எண்ணெய் புற்றுநோயைக் குணப்படுத்தும். இதில் CINNAMANIC ACID என்ற அமிலம் உள்ளது. இது இந்த நோயைக் குணப்படுத்தும் வல்லமை பெற்றது. இது முகப்பருவை குணமாக்கும்.

பேசில் மனிதனுக்கு உயிருடன் இருக்க உதவும் தோழன். இது பெண்களுக்குள்ள மலட்டுத் தன்மையைப் போக்க வல்லது. சர்கரை வியாதியைக் குணப்படுத்தும். மூச்சுக் குழலில் ஏற்படும் மூச்சுத்திணறலைக் குணப்படுத்தும். இது ஒவ்வாமையை குணப்படுத்தும். ஆண்களுக்கேற்படும் மலட்டுத் தன்மையைக் குணப்படுத்தும். பேசிலில் உள்ள CINNAMANIC ACID இரத்தத்தில் உள்ள சர்க்கரையைப் போக்கி இரத்த நாளங்களை சம நிலைப்படுத்தி மூச்சுக்குழல் பாதை மற்றும் நுரையீரலைச் சீராக்குகிறது.

பேசில் எண்ணெயாகப் பயன்படுத்தும் போது மிகவும் உயர்ந்த ANTIOXIDANTS கப் பயன்படுகிறது. இது புற்றுநோயின் போது உடம்பின் தோலில் உள்ள செல்கள் இறுதியாக அழிவிற்குப் போவதைத் தடுத்துப் புது கலங்களை உருவாக்க வல்லது. பேசியல் நமது உடல் ஆரோக்கியத்தை நல்ல முறையில் வைத்துக் கொள்ளப் பயன்படுகிறது. தற்கால விஞ்ஞானிகள் தமது ஆராய்ச்சியில் இந்த “ANTIOXDANT” ஆற்றல் உடல் ஆரோக்கியத்தில் உடலின் சக்தி ஆற்றல்களைத் தூண்டும் ஊன்று கோலாக (a great health boost for our immune systems) உள்ளதாக அறிந்துள்ளனர். இலைகள் காயங்களைக் குணப்படுத்தும். வைரஸ் காய்ச்சல், புளு காய்ச்சல் போன்றவற்றைக் குணப்படுத்தும்.

பேசில் ஞாபக சக்தியை கூர்மையாக்குகிறது. நரம்பு மண்டலத்திற்கு டானிக்காகச் செயல்படுகிறது. நுரையீரல் குழாயில் ஏற்படும் ‘PHLEGM’ என்ற கோழையை சுத்தம் செய்கிறது. இலைகள் வயிற்றைக் குணமாக்கும். வேர்வையை அதிகரித்து மரத்துப் போவதை குணமாக்கும். பேசில் விதை மூச்சுக்குழாய் மற்றும் நுரையீரலில் ஏற்படும் அதிகப்படியான கோழை படிமானங்களை அகற்றும் தன்மையுடையது. (The seeds can be used to rid of the body of excess mucus.)

பேசில் இலை மலேரியா போன்ற காச்சலைக் குணப்படுத்தும். இதன் இலையைக் கொதிக்கும் நீரில் இட்டு ஒரு லிட்டர் கால் லிட்டராகச் சுண்டும் வரை விட்டு அதில் ஏலக்காயைப் போட்டு பாலும் சர்கரையும் சேர்த்துக் குடிக்கக் கொடுத்தால் குணமாகும். சுத்தமான நீரில் பேசில் இலையை ஊற வைத்து அதன் நீரை இரண்டு அல்லது மூன்று மணி நேரத்திற்கு ஒரு முறை குழந்தைகளுக்குக் கொஞ்சம் கொஞ்சமாகச் சப்பக் கொடுத்தால் குழந்தைகளின் காய்ச்சல் குணமாகும்.

பேசில் இருமல், ஆஸ்மா மற்றும் நுரையீரல் அடைப்பையும் குணப்படுத்தும். இதன் இலையை வாயில் போட்டு மென்று தின்றால் குளிர் மற்றும் புளு காய்ச்சல் அறிகுறியைப் போக்கும்.

பேசில் இலையை தண்ணீரில் போட்டுக் கொதிக்க வைத்து ஆறியபின் அந்த நீரில் வாயில் ஊற்றி கொப்பளித்தால் டானிக் போன்று தொண்டைப் புண்ணை குணமாக்கம்.

பேசில் இலையுடன் தேனும் இஞ்ஜியும் கலந்து கொதிக்க வைத்து ஒரு லிட்டர் கால் லிட்டர் ஆகும் வரை சுண்ட வைத்து அது குளிர்ந்த பின் குடித்தால் ஆஸ்மா, மார்ச்சளி, இருமல், குளிர் மற்றும் இன்புளியன்சா குணமாகும். பேசில் இலையை கிராம்பு மற்றும் கடல் உப்புடன் கலந்து மேல் சொன்னவாறு கொதிக்க வைத்து இறக்கி இன்புளியன்சா வந்தவர்கள் குடித்தால் விரைவில் குணமாகும்.

பேசில் இலைச்சாற்றுடன் தேன் கலந்து தினமும் ஆறு மாத காலம் சாப்பிட்டால் சிறுநீரகக் கற்கள் கரைந்து மூத்திரத் தாரை வழியாக வெளியேறி குணமடையும்.

பேசில் இருதயநோய் உள்ளவர்களைக் குணப்படுத்தும். கொழுப்புச் சத்தைக் குறைக்கும்

பேசில் இலைச்சாறு கீழ்கண்ட வியாதிகளை குணமடையச் செய்கிறது. குளிர், இருமல், காச்சல், வயிற்றுப்போக்கு, மற்றும் வாந்தி எடுத்தால் போன்றவை, சின்னம்மை வந்தவர்களின் புண்ணை பேசில் இலைச் சாற்றுடன் குங்கும்ப்பூ கலந்து உட்கொண்டால் விரைவில் தழும்புகள் குணமடையும்.

ஒரு நாளைக்கு 12 பேசில் இலையை மென்று இரு வெளை சாப்பிட்டால் மன அழுத்தத்தைக் குறைக்கும். இரத்தத்தைச் சுத்தப்படுத்தி மற்ற நோய்கள் வராமல் தடுக்க உதவியாக இருக்கும். தினமும் இருவேளை இந்த இலையை மென்று சுவைத்தால் வாய்ப்புண் குணமாகும்.

பேசில் இலைச்சாறை வீக்கம், நமச்சல் வலி உள்ள இடத்தின் மீது இதன் சாற்றைத் தேய்த்தால் குணமடையும். பேசில் வேரின் பசையை பூச்சிக் கடிக்கும், அட்டைக் கடிக்கும் போட்டால் குணமாகும்.

பேசில் இலையை அரைத்து அதனுடன் சந்தனம் சேர்த்து தலை நெற்றியில் பத்துப் போட்டால் தலைவலி குணமடையும், மேலும் உடல் குழுமையாக இருக்கும்.

பேசில் இலைச்சாறு மாலைக்கண், மற்றும் கண் நோயிக்குச் சிறந்தது. இரவு படுக்கப் போகும் முன்பு ஒவ்வொரு கண்ணிலும் இரு சொட்டு பேசில் இலைச்சாறு தினமும் விட்டால் குணமடையும்.

பேசில் இலைச்சாற்றை வண்டுகடி உள்ள இடத்தில் தேய்த்தால் குணமடையும். மேலும் தோல் வியாதிகள் குணமடையும். வெண்புள்ளி (LEUCODERMA) நோய் உள்ளவர்கள் அதன் மீது தேய்த்தால் குணம் காண்பதாக இயற்கை மருத்துவர்கள் வெற்றி கண்டுள்ளனர்.

பேசில் இலையை வெய்யிலில் காயவைத்து, அதை நன்கு பொடி செய்து பல் பொடியாகப் பயன்படுத்தலாம். இந்தப் பொடியுடன் கடுகெண்ணெய் கலந்து நல்ல பசைபோல் உண்டாக்கி மூலிகை பேஸ்டாகப் பல் துலக்கலாம். இவ்வாறெல்லாம் செய்யும் போது வாய் துர்நாற்றம் போகும். மற்றும் ஈறுகள் (treat pyorrhea) பலமடையும், பல் சம்பந்தப்பட்ட நோய்கள் வராமல் பாதுகாத்து உடல் நலமுடன் இருக்க துணையாக இருக்கும்.

-மூலிகைவளம்

மருத்துவப் பயன்கள் மற்றும் மருந்து முறைகள்

முழுத் தாவரமும் விறுவிறுப்பான சுவையும், குளிர்ச்சித் தன்மையும் கொண்டது. இலை, வியர்வைப் பெருக்கியாகவும், தாதுவெப்பத்தை அகற்றி உடலைத் தேற்றவும் பயன்படும். பொதுவாக, சளி, காய்ச்சல், குடல் புழுக்கள், வயிற்றுக் கோளாறுகள், கீல்வாதம் போன்றவற்றிற்கு மருந்தாகப் பயன்படுகின்றது. இலைச்சாறு, மூக்கடைப்பை நீக்கும்; தோல் வியாதிகளைப் போக்கும்; குடல் புழுக்களை வெளியாக்கும்.

இலை எண்ணெயிலிருந்து கற்பூரம் போன்றதொரு வாசனைப் பொருள் தயாரிக்கப்படுகின்றது. விதைகள் (சப்ஜா விதை) சீதபேதி, வெள்ளைபடுதல், இருமல், மூலநோய், மலச்சிக்கல் போன்றவற்றைக் குணமாக்கவும், சிறுநீரைப் பெருக்கவும் பயன்படுகின்றன. கால் ஆணி குணமாக பாதிக்கப்பட்ட இடத்தை சுத்தம் செய்து அரைத்த இலைகளை, அந்த இடத்தில் வைத்துக் கட்ட வேண்டும்.

கட்டிகள் உடைய : தேவையான அளவு இலைகளை அரைத்து கட்டியின் மீது பூச வேண்டும். ஒரு நாளைக்கு இரண்டு முறைகள் வீதம் 3 நாட்கள் தொடர்ந்து செய்துவர வேண்டும்.

முகப்பருக்கள் மறைய : இலைச்சாற்றுடன் வசம்பைச் சேர்த்து அரைத்து, பசைபோலச் செய்து, நன்றாகக் குழைத்து, பருக்கள் உள்ள இடத்தில் தடவ வேண்டும்.

இருமல் கட்டுப்பட : இலைச்சாறு, தேன் ஆகியவற்றை சமமாகக் கலந்து, 30 மி.லி. அளவு குடிக்க வேண்டும். தினமும், 2 வேளைகள் இவ்வாறு செய்ய வேண்டும்.

வெள்ளைபடுதல் குணமாக : இலைச்சாறு 2 தேக்கரண்டி அளவுடன், காய்ச்சாத பசும்பால் ஒரு டம்ளர் கலந்து, உள்ளுக்குச் சாப்பிட வேண்டும். காலையில் மட்டும், 10 நாட்கள் வரை தொடர்ந்து சாப்பிட்டுவர வேண்டும்.

தலைவலி குணமாக : இலையைக் கசக்கி மணத்தை நுகர வேண்டும்.

வாய்ப்புண் குணமாக : 4 இலைகளை வாயிலிட்டு மென்று சாற்றை விழுங்க வேண்டும்.

வாந்தி கட்டுப்பட : இலைச்சாறு ஒரு தேக்கரண்டி, 100 மி.லி. வெந்நீருடன் கலந்து குடிக்க வேண்டும்.

வயிற்று கடுப்புக்கு, ரத்த கழிச்சல் குணமாக: ஒரு தேக்கரண்டி விதையை, ஒரு டம்ளர் நீரில் போட்டு 3 மணி நேரம் ஊற வைத்துச் சாப்பிட வேண்டும். தேள் கொட்டு வீக்கம், குடைச்சல் குணமாக இலை அரைத்து மிளகு 10 சேர்தரைத்து பசையாக்கி பாதிக்கப்பட்ட இடத்தின் மீது பூச வேண்டும்.

-Baskar Jayaraman