நீரெட்டி முத்து

நீரெட்டி முத்து மரம்மூலிகையின் பெயர் நீரெட்டி முத்து
தாவரப்பெயர் – HYDNOCARPOS PEN TANDRA
தாவரக் குடும்பம் – ACHARIACCEAE
வேறுபெயர்கள் – மரவட்டை, வட்டை. ஆங்கிலத்தில் MOROTHI TREE & CHAULMUGRA .
பயனுள்ள பாகங்கள் – விதை, வேர், மற்றும் இலை ஆகியன.

வளரியல்பு – நீரெட்டி முத்து என்ற மரம் நடுத்தர வர்கத்தைச் சேர்ந்தது. இதன் தாயகம் ஜப்பான் மற்றும் சீனா. இது 30 அடி முதல்  75 அடிகள் உயரம் வரை வளரக்கூடியது. இது பசுமைக் காட்டில் வளரக்கூடியது. ஆற்றுப் படுகைகளில் அதிகம் காணப்படும். இதன் குடும்பத்தில் 40 வகை உண்டு. இது மலைப்பிரதேசங்களில் கடல் மட்டத்திலிருந்து 1000 மீட்டர் முதல் 1700 மீட்டர் வரை வளரக்கூடியது. இதற்கு மிதமா சீதோசனம் தேவை.

நீரெட்டி முத்து இலைகள்-thamil.co.ukஇலைகள் கரும்பச்சை  நிறத்தில் எதிர் அடுக்கில் அமைந்திருக்கும். இதன் நீளம் 7 செ.மீ. முதல் 2.2 செ.மீ. வரை இருக்கும். இதன் பூக்கள் ஆண்பூக்கள் என்றும் பெண் பூக்கள் என்றும் இருக்கும். ஆண் பூக்கள் ஒன்று திரண்டும், பெண் பூ தனியாகவும் இருக்கும். பூக்கள் வெண்மையாக இருக்கும். பூவின் இதழ்கள் 3 – 6 மற்றும் 2 – 3 என்று காணப்படும். பூக்கள் வாசனையாக இருக்கும். இந்த மரங்கள் இந்தியாவில் மகாராஸ்ட்ரா, கோவா, கர்நாடகா, தமிழ் நாடு, கேரளா, மேற்குத் தொடர்ச்சி மலை ஆகிய இடங்களில் காணப்படும்.

இதன் காய் பிஞ்சாக இருக்கும் பொழுது கறுப்பாகத் தென்படும். பின் முற்றும் போது மர நிறமாக மாறும். அதன் விட்டம் சுமார் நீரெட்டி முத்து6 செ.மீட்டராக இருக்கும்.இந்த மரம் ஏப்ரல் மாதத்தில் பூக்க ஆரம்பித்து அக்டோபர் மாதத்தில் காயுடன் இருக்கும். பழங்கள் முற்றிய பின் மர நிறமாக இருக்கும். ஒரு காயில் சுமார் 15 முதல் 20 வரை கொட்டைகள் இருக்கும். விதைகளை ஒரு ஆண்டு சேமித்து வைக்கலாம். ஆனால் ஒரு மாதத்தில் பாத்தியில் ஊன்றி விட வேண்டும். முழைப்புத் திறன் குறைவாகத்தான் இருக்கும்.

நீரெட்டி முத்து-thamil.co.ukவிதைகளிலிருந்து எண்ணெய் எடுப்பார்கள். அந்த எண்ணெயில் ‘SHAVLMOOGRA’ என்ற வேதியப் பொருள் உள்ளது. இது முக்கியமான மருத்துவ குணம் உடையது. கட்டிங் முறையிலும் இன விருத்தி செய்யப்படும்.


மருத்துவப் பயன்கள் 

நீரெட்டி முத்து மரத்தின் கொட்டையிலிருந்து எண்ணெய் எடுப்பார்கள்.  அந்த எண்ணெய் மஞ்சள் நிறத்தில் இருக்கும். அந்த எண்ணெயை ஆரம்ப தோழு நோய் உள்ளவர்கள்  மேல் பூச்சாகப் பூசினால் நோய் குணமடைவதைக் காணலாம். இந்த எண்ணெய் தோல் சம்பந்தமான எல்லா நோய்களையும் குணமாக்க வல்லது. வெண் நோய் ( Leucoderma) என்ற நோயைக் குணப்படுத்தும்.

இது மன அழுத்தத்தைக் குறைக்கும்.

உடலில் ஏற்படும் புடைத்த கட்டிகளை குணப்படுத்தும்.

ஆறாத குடல் புண்களை குணப்படுத்த வல்லது.

வயிற்றுப் புழுக்களை வெளியேற்றும்.

நாட்பட்ட புண்கள் குணமடையும்.

வாதம், சுழுக்கு, நெஞ்சுவலி, கண்நோய் ஆகியவற்றைக் குணப்படுத்தும் டானிக்காகப் பயன்படுத்தப் படுகிறது.

இந்த மரத்தின் வேர் மற்றும் காய்ந்த இலைகளையும் சேர்த்து ஊறவைத்து கசாயமாக்கி உட்கொள்ளும் போது மலேரியா நோய் குணமாகும்.

சுண்ட வைத்து அடிச் சாற்றைத் தலைக்கு இட்டால் முடி உதிர்வதைத் தடுக்கும்.

இதன் எண்ணையில் உள்ள பலவகை வேதியல் பொருட்களுடன் வேற்று மரங்களில் எடுக்கப்பட்ட நுண்நுயிர்களுடன் முறைப்படி கலந்து தாவரங்களுக்கு உபயோகமான பூச்சிக் கொல்லி மருந்தாகவும், ஊட்டச்சத்து மிகுந்த ஊக்கியாகவும்  மரப்பெருக்கு மைய (IFGTB) விஞ்ஞானிகள் தமது ஆராய்ச்சி மூலம் நிரூபித்து அறிமுகப்படுத்தியுள்ளனர்.

இதன் இலையை நன்கு ஊறவைத்து பதப்படுத்தி போதை உண்டாகும் ஒரு குடிபானத்தைத் தயாரிக்கிறார்கள்.

இதன் பூவிலிருந்து நறுமணத்தைப் பிரித்தெடுத்து வாசனைப் பொருட்கள் தயார் செய்கிறார்கள்.

நீரெட்டி முத்து மரம் வீடுகட்ட கட்டுமானப் பொருட்களாகவும், மரப்பெட்டிகள் செய்யவும். விறகு எரிபொருளாகவும் பயன்படுத்துப் படுகிறது.

-மூலிகைவளம்