ஜப்பானியத் தமிழறிஞருக்கு பத்மஸ்ரீ அளிக்கப்பட்டது

நொபுரூ கராஷிமா-thamil.co.ukஜப்பானியத் தமிழறிஞர் நொபுரூ கராஷிமாவிற்கு பத்மஸ்ரீ அளிக்கப்பட்டது பற்றியும்.. அச்செய்தி நமது தமிழ் நாளேடுகளில் எவ்வளவு முக்கியம் கண்டது என்பது பற்றியும் ….

தமிழை நேசிக்கும் அந்த ஜப்பானியர், தள்ளாத வயதில் சக்கர நாற்காலியில் மேடைக்கு அழைத்து வரப்பட்டபோது, இருகரம் கூப்பி “வணக்கம்’ என்று சொன்னதும், பிரதமர் சிரித்துக்கொண்டே அவருக்குத் தமிழில் “வணக்கம்’ தெரிவித்ததும் நெகிழ்ச்சியான நிமிடங்கள்.

இந்தியப் பிரதமரை அந்நிய மண்ணில் “வணக்கம்’ தெரிவிக்க வைத்தமைக்கே, அந்த மாமனிதருக்கு நாம் ஆயிரம் வணக்கங்கள் தெரிவிக்கலாம்.

கரகோஷத்துக்கு இடையே தனக்கு வழங்கப்பட்ட “பத்மஸ்ரீ’ விருதைப் பெற்றுக்கொண்ட நொபுரூ கராஷிமா, “நன்றி’ என்று நல்ல தமிழில் கூறியபோது மீண்டும் கரகோஷம். நான் கைதட்டவில்லை. டோக்கியோ நகரில் தமிழ் ஒலித்தது கேட்டு, கண்ணீர் மல்க நின்றுவிட்டேன்.

முனைவர் நொபுரூ கராஷிமா சாதாரண அறிஞர் அல்லர். டோக்கியோ பல்கலைக்கழகத்தில் பேராசிரியர். ஜப்பானிலுள்ள டாய்ஷோ பல்கலைக்கழகத்தின் இந்தியவியல் துறையின் பேராசிரியர்.

சீனக் கடற்கரையோரங்களில் 9 முதல் 13-ஆம் நூற்றாண்டுகளுக்கு இடையிலான பல தமிழ்க் கல்வெட்டுகள் இருப்பதைக் கண்டறிந்தவர்.

“தென்னிந்திய சரித்திரமும் சமுதாயமும்’ என்கிற இவரது புத்தகம் கி.பி. 850-1800 ஆண்டுகளுக்கு இடைப்பட்ட காலத்தைச் சேர்ந்த கல்வெட்டுகளின் ஆராய்ச்சி நூல். விஜயநகரப் பேரரசின் கீழ் தென்னிந்திய சரித்திரம், இந்திய சரித்திரத்தில் அரசுமுறை முதலிய பல படைப்புகளுக்குச் சொந்தக்காரர்.

நம்மிடையே வாழும் தலைசிறந்த உண்மையான தமிழறிஞர்களுள் ஒருவர்.

நொபுரூ கராஷிமாவை சந்திக்க முடிந்ததே தவிர, அவருடன் அளவளாவ முடியவில்லை. டோக்கியோ நகரிலிருந்து சுமார் 200 கி.மீ. தூரத்தில் வாழ்ந்து வருகிறார். அங்கே சென்று வர நேரம் அனுமதிக்கவில்லை.

தமிழுக்குப் பெருமை சேர்த்த ஜப்பானிய அறிஞரை, இந்தியப் பிரதமரே தேடிப்போய் “பத்மஸ்ரீ’ விருது வழங்கி கெளரவிக்கிறார்.

நமது தமிழகத்திலுள்ள தமிழ், ஆங்கிலப் பத்திரிகைகளில் இது முதற்பக்கச் செய்தியாக வந்திருக்க வேண்டாமா?

தமிழுக்கு நாம் தரும் மரியாதை இதுதானா?

உண்மையில் இவருக்கு ‘பத்மபூஷண் ‘ கொடுக்கப்பட்டிருக்க வேண்டும் !
இவர் உலகத்தமிழ் ஆராய்ச்சி நிறுவனத்தின் International Association of Tamil Research (IATR) தலைவரும் கூட !

http://zeenews.india.com/news/nation/pm-presents-padma-shri-award-to-japanese-scholar_851392.html

– Nagoorkani Kader Mohideen Basha